Wednesday, February 21, 2024

ඇමෙරිකානු සහ යුරෝපීය සමාගම් වල කොටස් වලින් නිපදවූ උතුරු කොරියානු බැලස්ටික් මිසයිල

 


උතුරු කොරියාවේ අනාවරණය නොකළ ස්ථානයකදී Hwasong-17 අන්තර් මහද්වීපික බැලස්ටික් මිසයිලයක් (ICBM) අත්හදා බැලීම (2022.03 24)
Korean Central News Agency/Korea News Service via AP, File


පසුගිය මාසයේ යුක්රේනයට එරෙහිව රුසියාව විසින් වෙඩි තැබූ උතුරු කොරියානු බැලස්ටික් මිසයිලයක එක්සත් ජනපදයේ සහ යුරෝපයේ සමාගම්වලට අයත් බොහෝ කොටස් අඩංගු බව සීඑන්එන් ආයතනය පර්යේෂණ වාර්තාවක් උපුටා දක්වමින්  අනාවරණය කළා.

බ්‍රිතාන්‍යය පදනම් කරගත් සංවිධානයක් වන Conflict Armament Research (CAR), යුක්රේනයේ Kharkiv වෙතින් ලබා ගත් උතුරු කොරියානු මිසයිලයක අවශේෂ  වලින් සංරචක 290 ක් පරීක්ෂා කර වාර්තාවක් ඉදිරිපත් කළ අතර, සංරචක වලින් සියයට 75 ක් නිර්මාණය කර අලෙවි කර ඇත්තේ සංස්ථාපිත සමාගම් විසින් බව සොයා ගන්නා ලදී. 

මිසයිලයේ කොටස්වලින් සියයට 16ක් යුරෝපයේ සංස්ථාපිත සමාගම්වලට සහ සියයට 9ක් ආසියාවේ සංස්ථාපිත සමාගම්වලට සම්බන්ධ බව CAR වාර්තාව පෙන්වා දෙයි.  එම සංරචක මූලික වශයෙන් මිසයිලයේ සංචාලන පද්ධතියෙන් සොයාගෙන ඇති අතර එක්සත් ජනපදය, චීනය, ජර්මනිය, ජපානය, නෙදර්ලන්තය, සිංගප්පූරුව, ස්විට්සර්ලන්තය සහ තායිවානය යන රටවල මූලස්ථානය ඇති සමාගම් 26ක් වෙත එම කොටස් අයිති වන බව  CNN පවසයි.

CAR ප්‍රකාශකයෙකු උපුටා දක්වමින් ප්‍රවෘත්ති නාලිකාව පැවසුවේ සමාගම් හිතාමතාම උතුරු කොරියාවට කොටස් නැව්ගත කළ බවට කිසිදු සාක්ෂියක් නොමැති බැවින් වාර්තාවේ නිශ්චිත සමාගම් නම් කර නොමැති බවයි.

"සමාගම් විසින් විවිධ ජාත්‍යන්තර බෙදාහරින්නන් වෙත ඒවා විකුණා දැමීමෙන් පසු සංරචක විශාල ගෝලීය සැපයුම් දාමයේ කොතැනක හෝ හරවා යැවිය හැකිය" යනුවෙන් CNN පවසයි.

ඇමෙරිකාවේ  ධවල මන්දිරයේ වාර්තා අනුව , උතුරු කොරියාව  රුසියාවට බැලස්ටික් මිසයිල දුසිම් කිහිපයක් සැපයූ අතර, ඒවායින් සමහරක් අවම වශයෙන් දෙසැම්බර් 30, ජනවාරි 2 සහ ජනවාරි 6 යන දිනවල යුක්රේනයේ ඉලක්ක වෙත පහර දීමට භාවිතා කරන ලදී.

ඔක්තෝම්බර් මාසයේදී ධවල මන්දිරය කියා සිටියේ උතුරු කොරියාව රුසියාවට මිලිටරි උපකරණ සහ යුධෝපකරණ බහාලුම් 1,000 කට වැඩි ප්‍රමාණයක් ලබා දුන් බවයි.

Monday, January 15, 2024

අවලෝකිතේශ්වර

PC:https://www.thisaraarts.com/2_0_artistic_statues.php
 

නැමද පා බැතින් 
ගියෙද කිතු ගොසින් 
අයෙක් වෙද යලිත් 
පැනෙනා ලෙසට බෝ සතුන් 

දනිනා වැටුණු කහ වතත් 
වමාන දම් කඳක් යෙහෙන් 
විසුවත් සිරිලකේ දිනක් 
අහවර වීය  දඟ ගෙයින් 

විරාජ සීල යතිවරුන් 
කවදා දුටිද ධී බෙලෙන් 
කිඳෙනා  පුලින සේ පැනින්
නිවාත වේය අන් නෙතින්  

Thursday, December 28, 2023

මරියා

තුවාල ලැබූ පලස්තීනුවන් - මධ්‍යම ගාසා තීරයේ ගාසා නගරයේ අල්-ෂිෆා රෝහලේදී (2023, Oct). [AP/YONHAP]

 දෙවියන්ද   මිනිසුන්ද  අතර 
දරුවා සමගින් 
මෙදා  නත්තලේ 
අතරමන් වූ ගැහැණිය 
මරියා !

යුද්ධයද  සාමයද   අතර 
හදවතේ ලතෙත්බව 
මෙදා  නත්තලේ 
අහිමිවීගිය ගැහැණිය 
මරියා !

යහපතද අයහපතද අතර 
ජිවිතයේ පැහැය 
එදා නත්තලේ 
සොයාදුන් ගැහැණිය 
මරියා !

අළු දුහුවිලි කඳුළු අතරින් 
යලිත් නැගිටින
අනාගතයේ 
දිරිය ගැහැණිය 
මරියා ! 

Thursday, November 2, 2023

එලිය



පවිටු ලොව එලිය කර 
පෑයුවේ ඇයිද අද 
හද පත්ල කකියවන 
දුක් කන්ද ඉතිරිකර 
ඉරත් නැති හඳත් නැති 
ලොවක් ඇත මින් මනත 
යළිත් ලොව නොපෙනෙන්න 
සදාකල් සැඟවෙන්න

Friday, April 15, 2022

අප්‍රේල් අරගලය

 

 

 


Art: By Samitha Thilakarathna

අවුරුදු 74 කට පස්සේ ලංකාවේ මිනිස්සු එකතුවෙලා...
සම්ප්‍රදායිකව හිතන වැඩිහිටි පරම්පරාවේ කීපදෙනෙක්ට තාමත් මේක හීනයක් වගේ පේන්නේ...
ඒක සමහර විට ඒගොල්ලොන්ගේ වැරද්දක් නොවුනත් ...
ටික දවසකින් ඒගොල්ලොත් මේක විශ්වාස කරන්න පටන්ගනිවී..

අරගලය මට පේන්නේ පෙනේරයක් වගේ..
හැමෝම අනිත් මිනිස්සු වෙනුවෙන් කැඩිලා බිඳිලා පෙනේරේ ඇතුලෙන් යනවා...
අන්තිමට පෙනේරේ ඉතුරුවෙන්නේ...
අවස්ථාවදීන්, අන්තවාදීන් හා උද්දච්ච කුහකයෝ ටික විතරයි...

අනාගත අසිරිමත් ලංකාවක් උදෙසා වැයවෙන...කැඩෙන බිඳෙන...අපේ මිනිස්සුන්ට
ඒ අනාගතය ණයගැතියි...
අනාගත පරම්පරාව ඔවුන් වෙනුවෙන් තුති ගී ගයාවී...

අරගලයට ජය!!!!


Saturday, May 22, 2021

අයිතිය?


ඡායාරුපය  ; මුහුණු පොතෙන් 
 

 දේශයේ
කුසුම
නුඹ  මා පුත
නැත අයිතියක් කිසිවක

Monday, May 10, 2021

"එන්නත් කිරීමේ විදේශ ගමන් බලපත්‍රය"

 
 
 
 
ලෝකයේ බොහෝ රටවල් මේ වනවිටත්  COVID-19 වයිරසයට එරෙහි එන්නත්කරණය පිලිබඳ දැඩි උනන්දුවකින් කටයුතු කරයි. එන්නත් කරණයේ මුලික අරමුණ වී ඇත්තේ රටේ සමස්ත ජනගහනයෙන් වැඩි ප්‍රතිශතයකට එන්නත ලබාදී ප්‍රජා මුලික ප්‍රතිශක්තිකරණයක් අත්පත්කර ගැනීමයි. මුල් අවදියේදී මෙය ස්වභාවිකව සිදුවේයැයි විශ්වාසකලත් වසංගතයේ අදියරයන් නොනවත්වා පැතිරීම හේතුවෙන් අද වනවිට එය පහසුවෙන් ළඟාකර ගත නොහැකි ඉලක්කයක් වී හමාරයි. ඒ හේතුව නිසාම එන්නත්කරණයට වැඩි මුලිකත්වයක් දී කටයුතු කිරීමට රටවල් යොමුවී ඇත.

මෙහි නවතම අදියර වී ඇත්තේ "එන්නත් කිරීමේ විදේශ ගමන් බලපත්‍රය" භාවිතා කල යුතුද නැද්ද යන්නයි. එන්නත් කිරීමේ විදේශ ගමන් බලපත්‍රය යනු පුද්ගලයෙකුට COVID-19 ට එරෙහිව එන්නත් ලබා දී ඇති බවට තහවුරු කරන සහතිකයක් ය. මෙම සහතිකය පෙන්වන අයට දිගුකාලීන වසංගත තත්වය තුළ  තුළ  වඩාත් නිදහසේ සංචාරය කිරීමට හෝ විවේක ක්‍රියාකාරකම් භුක්ති විඳීමට ඉඩ දීම වැනි ප්‍රතිලාභ කිහිපයක් ලැබිය හැකිය.

සමහර රටවල් දැනටමත් ඒ හා සමාන වැඩසටහන් හඳුන්වා දී ඇති අතර තවත් සමහරක් එසේ කිරීමට සැලසුම් කර ඇත. දකුණු කොරියාව තවමත් එවැනි එන්නත් විදේශ ගමන් බලපත්‍රයක් හඳුන්වාදී  නැත. නමුත්, මැයි 5 වනදා සිට, ඕනෑම විදේශ සංචාරයකින් ආපසු පැමිණීමේදී  එනත්කරණයට ලක්වූ පුද්ගලයන් දින 14 ක හුදකලා කාල සීමාවෙන් නිදහස් කිරීමට තීරණය කර ඇත. එසේම එම පුද්ගලයා කොවිඩ් රෝගියෙකු සමඟ සමීප සම්බන්ධතා පැවැත්වුවද මෙම නිදහස බුක්තිවිඳීමට අවස්ථාව සැලසේ. රෝහල්, ආපනශාලා, ජ්‍යෙෂ්ඨ  පුරවැසි ප්‍රජා මධ්‍යස්ථාන වැනි බොහෝ අය නිතර ගැවසෙන ස්ථාන වලට පැමිණෙන විට එන්නත ලබා ගත් පුද්ගලයින්ට එය  ලැබී ඇති බව සනාථ කිරීම සඳහා ජංගම දුරකතන යෙදුමක් පෙන්වීමට ඉඩ දීම පිළිබඳව ද සලකා බලමින් සිටී. මෙය වක්‍රාකාරව "එන්නත් කිරීමේ විදේශ ගමන් බලපත්‍රය" වැනිම වූ වැඩපිලිවලකි. මේ සඳහා සහයෝගය දක්වන කණ්ඩායම් ප්‍රකාශ කරන්නේ මෙමඟින් ක්‍රමයෙන්  අවප්‍රමානවන ආර්ථික වර්ධන වේගය නැවත ලබාගත හැකි බවයි. සුරක්ෂිත සංචරණ අවස්ථා ලබාදීම මඟින් ජනතාවට නොබියව තම එදිනෙදා කාර්යයන් ඉටුකර ගැනීමට මෙමඟින් අවස්ථාව උදාවනබවයි බොහෝදෙනාගේ මතය.
 


මේ පිලිබඳ දකුණු කොරියාවේ කළ මත විමසුමකින්  සියයට 36.4 ක් කියා සිටියේ තමන්ට විදෙස් සංචාර සඳහා යාමට අවශ්‍ය බවත්, සියයට 24 ක් දේශීය සංචාර සඳහා වඩාත් නිදහසේ යාමට කැමති බවත්, සියයට 19.3 ක්  ප්‍රසංග හෝ චිත්‍රපට නැරඹීම වැනි සංස්කෘතික කටයුතුවල නිරත වීමට කැමති බවත්ය. කෙසේවෙතත් මෙම බලපත්‍රය නොමැති පුද්ගලයින් සඳහා වෙනස්ලෙස සැලකීමට ඇති හැකියාව පිලිබඳ ඔවුන් කණස්සල්ල පළකර ඇත.

ලෝක සෞඛ්‍ය සංවිධානය (WHO) සංචාරය සඳහා එන්නත් කිරීමේ විදේශ ගමන් බලපත්‍ර අවශ්‍ය බවට විරෝධය පළ කර ඇති අතර, එන්නත් කිරීම මගින් වෛරස් සම්ප්‍රේෂණය මෙන්ම අසමානතාවය සැබවින්ම වළක්වයිද යන්න පිළිබඳව කාරනා සැලකිල්ලට ගනිමින් සිටී.

"ලෝක සෞඛ්‍ය සංවිධානය ලෙස අපි මේ අවස්ථාවේ දී කියා සිටින්නේ "එන්නත් විදේශ ගමන් බලපත්‍රය" ඕනෑම රටකට ඇතුළුවීම හෝ පිටවීම සඳහා අවශ්‍යතාවයක් ලෙස දැකීමට අප අකමැති බවයි. මෙම අවස්ථාවේදී එන්නත රෝගය සම්ප්‍රේෂණය වීම වළක්වන බව අපට විශ්වාස නැත,එක් හේතුවක් හෝ වෙනත් හේතූන් නිසා එන්නත ලබා ගැනීමට නොහැකි පුද්ගලයින්ට වෙනස් කොට සැලකීම පිළිබඳ ප්‍රශ්නය ද මෙහිදී බරපතල ලෙස සාකච්ඡාවට බඳුන්විය යුතුයි. ”ලෝක සෞඛ්‍ය සංවිධානයේ ප්‍රකාශක මාග්‍රට් හැරිස් පසුගිය මාසයේ එක්සත් ජාතීන්ගේ ප්‍රවෘත්ති සාකච්ඡාවකට එක්වෙමින් පවසා සිටියාය.

ඊශ්‍රායලය මේ වන විටත් “හරිත මුරපදයක් (green pass )” යොදවා ඇති අතර එමඟින් මිනිසුන්ට සම්පූර්ණයෙන්ම එන්නත් ලබා දී තිබේද යන්න හෝ රෝගයෙන් සුවය ලැබීමෙන් පසු ප්‍රතිශක්තිය උපකල්පනය කර ඇත්ද යන්න පෙන්වයි. එහෙත් මෙම වැඩසටහන නිසා මානුෂීය සමානාත්මතාවය කෙරෙහි එල්ලවන බලපෑම පිළිබඳ එම රටේ ඇතැම් විචාරකයින්ගේ හෙලාදැකීම් හා විරෝධතාවන්ට ලක්වී තිබේ.

මේ පිලිබඳ වැඩිදුරටත් අදහස් දක්වමින් අසාන් වෛද්‍ය මධ්‍යස්ථානයේ මහාචාර්යවරයෙකු වන කිම් ජැං-හාන් සිය තීරුවේ ලියා තිබෙන්නේ COVID-19 පැතිරීම දිගටම පවතින තාක් කල්, මුහුණු ආවරණ පැළඳීමේ මාර්ගෝපදේශ සහ සමාජ දුරස්ථබාවය  පවත්වා ගැනීම, වෛරසයට ප්‍රතිකාර කිරීම සහ වෛරස් තත්වයන් සහ වෛද්‍ය ධාරිතාව අධීක්ෂණය කිරීම,  "එන්නත් විදේශ ගමන් බලපත්‍රය" වැනි ප්‍රති වයිරස පියවරයන්ට වඩා වැදගත්වන බවයි.

කොරියා ටයිම්ස් ඇසුරිනි.